Tham jaa aien hawaa, kis aur chali hai tu,
Durr mujhse kahin, kyun muh mod chali hai tu,
Tere yun mud jaane se, zindagi bhi tham si gayi,
Mujhe bhi saath le chal, jis aur chali hai tu….

Ruk jaa aien musaafir, kya jaldi hai tujhe,
Kis aur mein chali, nahi pata yeh mujhe,
Mere sang aakar, tu bhi kho jaayega,
Bhule bhatke raahon mein, akela khud ko paayega….

Akela nahi rahunga, jab saath hoga tera sang,
Apne jhonkon ki awaaz se bharna, mere shabdon mein sangeet ka rang,
Chaltein rahoon bas, yehi chahta hoon abhi,
Tu jis aur bhi le chale, manzil zaroor milegi, kabhi na kabhi…

Advertisements